Балык Бистәсенең урамында җете кояш астында әчегән сөт - май сата әбиләр ( ФОТО)
Күпләрегезнең игътибар иткәне бардыр. Иртә таңнан әби - апалар шешәләргә сөт тутырып,пакетка сыер мае салып урам базарына сатырга чыгалар.
Мин шәхсән моңа бердә каршы түгел. Әмма аларның сөт-майлары көне буе кояш астында торып әчеп ,үз сыйфатын югалтып бетерәләр бит. Сөт продуктлары бары тик суыткычта гына сакланырга тиеш ләбаса. Аларның бу продуктлары сатылып бетмәсә икенче көнне дә алып чыгулары бик тә ихтимал бит. Урам сәүдәгәрләренең күпчелеге өчен иң мөһиме акча, андыйлар кеше сәламәтлеге турында уйлап та карамыйлар. Бу җәһәттән, санэпидстанция хезмәткәрләре нәрсә уйлый икән соң?
Монда кемне кызганырга кирәк?
Кояш астында торып әчеп беткән сөтне сатам дип утырган әбиләреңнеме,әллә соң алданган сатып алучынымы?
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев