Балык Бистәсенең Күгәрчене күгәрченнәрдәй гөрли

Күгәрчен авыл җирлегендә халыкны аралыштырырлык, күрештерерлек файдалы, саваплы гамәлләр кылынып кына тора.Үткән шимбәдә исә биредә "Изгеләр ашы" узды. Бәйрәмгә өч йөздән артык кеше җыелган иде. Алар өчен 8 казанда ризык әзерләнде. Авылдашлары Айрат Сафин һәм Эльмира Мингарипова табынга сарык, 20 якын кеше тавык, бик күпләр бәлеш, төрле тәм-томнар белән килгән иделәр. Авыл җирлеге бюджетында хезмәт куючы хезмәткәрләр килгән сый-нигьмәтләрдән табын әзерләделәр. "Изгеләр ашы"нда Казаннан килгән Рөстәм хәзрәт вәгазь укыды, ә аның улы Хәмзә корьәннән сүрәләр укыды. Бәйрәмгә килүчеләр өйлә намазында катнаштылар . Бәйрәмгә килүчеләр авыл җирлеге башлыгына, мәҗлесне оештыруда башлап йөрүчеләр- Ильдус Моталлапов,Дамир Каримуллин, Камил Шәмсевәлиев, Мансур Калиевка зур рәхмәтләрен җиткерделәр.

Автор Вазыйх Фатихов.