Баклажаннан «уылдык» ясау ЫСУЛЫ

 1 кг баклажан, 0,5 кг помидор, 0,5 кг баллы борыч, 2-3 данә суган, 100 гр үсемлек мае, 2-3 аш кашыгы аш серкәсе, 2-3 бал кашыгы тоз, тәменчә борыч, 1 аш кашыгы шикәр комы, яшел тәмләткечләр.

Баклажанны пешерәбез. Кабыгыннан чистартып, ит тарткычтан чыгарабыз. Помидорны да, кабыгыннан арындырып, ит тарткыч аша уздырабыз. Суган белән баллы борычны да шулай эшлибез. Барысын бергә кушып, тоз, шикәр, борыч һәм яшел тәмләткечләр сибәбез. Аш серкәсе, үсемлек мае агызып, бер сәгать кайнатабыз да банкаларга тутырып куябыз. 

фото, чыганак http://shahrikazan.ru/news/kish-tabyish/baklazhannan-uyldyk-yasau-ysuly