Җәмгыять
Авыл җирендә бала тапкан яшь әниләргә акча түлиләр
Татарстан авылларында бала тапкан хатын-кызларга 50 меңнән 100 мең сумга кадәр акча түләнәчәк. Бу хактагы карарны Татарстан Премьер-министры Алексей Песошин имзалаган. Документ хокукый мәгълүмат рәсми порталында дөнья күрде.
Бала тапкан өчен түләүләр туучылар санын арттыру максатыннан башкарыла.
25 яшьтән яшьрәкләргә беренче бала тапкан өчен - 50 мең сум, ә өченче баласын тапкан 29 яшьтән яшьрәк әниләргә 100 мең сум түләнәчәк. Бу түләүләргә авылда кимендә өч ел яшәгән хатын-кызлар гына өметләнә ала.
Бу акча быел түләнә башлый. Пособиены алу өчен республика матди ярдәм үзәгенә гариза язарга кирәк. Акча да шунда ук түләнәчәк.
Следите за самым важным и интересным в Telegram-каналеТатмедиа
Нет комментариев