Авыл офыклары

Балык Бистәсе районы

18+
Рус Тат
фото

Балык Бистәсендә «Созвездие-Йолдызлык»фестиваленең зона этабы узды

27 марта 2025, 13:24

4

0

0

25-26 март көннәрендә районыбыз мәдәният йортында эстрада сәнгатенең «Созвездие-Йолдызлык» XXV ачык республика телевизион яшьләр фестивале узды.

Татарстаныбызда ел саен үткәрелә торган әлеге яшьләр фестиваленең 25 еллык юбилее 2025 елның 25 мартында, нәкъ менә Балык Бистәсе җирлегендә үтүе һәм аның мәдәният хезмәткәрләренең һөнәри бәйрәмнәренә туры килүе һәркем күңеленә шатлык өстәде, истәлекле вакыйга булып кереп калды. Бу хакта фестиваль ачылышында чыгыш ясаган Балык Бистәсе башкарма комитеты җитәкчесе Данис Сатдинов, Татарстан Рәисенең мәдәниятне үстерүгә ярдәм фонды башкарма директоры Нурия Һашимова, “Созвездие-Йолдызлык” фестиваленең генераль продюсеры, Татарстан республикасының атказанган сәнгать эшлеклесе Дмитрий Туманов та әйтеп уздылар һәм фестивальдә катнашучы балаларга уңышлар теләделәр.

Фестивальнең сайлап алу туры ике көн дәвам итте. Дмитрий Туманов рәислегендәге мәртәбәле жюри һәр катнашучының чыгышын энә күзеннән үткәреп, гадел бәяләмәсен бирде. Сәхнә ике көн яшьләр иркенә тапшырылды. Мамадыш, Балык Бистәсе, Лаеш һәм Питрәч районнарыннан килгән җыр-биюгә талантлы балалар «Созвездие-Йолдызлык» республика фестивале финалына үтү өчен иҗади осталыклары аша көч сынаштылар. 26 март кичендә фестивальнең зональ туры гала-концерт белән төгәлләнде.

Быелгы матурлык һәм гүзәллек бәйрәме Бөек Җиңүнең 80 еллыгына һәм Ватанны саклаучылар елына багышланды. Шуңа да балаларның чыгышлары патриотик рухта сугарылган иде. Берәү дә сынатмады, финалга үтү өчен бар осталыгын, тырышлыгын куйды. Ә талантлылар республикабызда гына түгел, районыбызда да гаять күп. Фестивальнең матур узуы да шуңа бәйле. Барлыгы 1200 дән артык бала катнашты. Һәр чыгыш тамашачы мәхәббәте белән көчле алкышланды. Әнә районыбызның йолдызы булып балкыган “Рапсодия” (җитәкчесе Светлана Чистякова), “Камские звездочки” (җитәкчесе Әлфинур Шәвәлиева) кебек танылулы үрнәк хореография коллективлары бу юлы да беренчелекне бирмәде. “Вокал-соло”, “Конферанс”, “Хореография” номинацияләре буенча җиңүле урыннарга ирешкән балалар өчен дә күңел горурлык хисе кичерде. Фестиваль соңында район башлыгы Радик Ислямовның үсеп килүче буынны тәрбияләүдә күпьеллык намуслы хезмәтләре һәм балаларның иҗатына канат куеп, аларны фестивальгә әзерләгән педагогларга - Рәхмәт хаты,  талантлары белән лаеклы җиңүгә ирешкән балаларга Диплом һәм истәлек бүләкләре тапшыруы да бәйрәм киченә үз матурлыгын өстәде.

Фнстивальнең зональ этабында җиңүчеләр эстрада сәнгатенең «Созвездие–Йолдызлык 2025» XXV ачык республика телевизион яшьләр фестиваленең Казанда үтәчәк суперфиналына чакыру алдылар.

Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев