Юл хәрәкәте кагыйдәләрен бозган өчен штраф түләмәүчеләр "сюрприз" көтә
Юл хәрәкәте кагыйдәләрен бозган өчен штраф түләмәүчеләргә кайбер дәүләт хезмәтләреннән файдалануны чикләргә тәкъдим иттеләр.
Дәүләт Думасының Дәүләт төзелеше һәм закон чыгару комитеты рәисенең беренче урынбасары Вячеслав Лысаков әйтүенчә, автомобиль хуҗасы штрафларын түләми һәм аларның күләме иң югары ноктасына җиткән икән, сәламәтлеге һәм өченче затларның мәнфәгатьләре хакында сүз бармаган очракта, билгеле бер дәүләт хезмәтләреннән (әйтик, паспорт алыштыру, белешмә алу) файдалануны чикләргә тәкъдим ителә. Шул ук вакытта Лысаков ике елдан соң ЮХИДИ штрафларының автоматик рәвештә юкка чыгуын көтүчеләргә зарланды һәм штрафларны тиз арада түләгән өчен 50 процентлы ташлама булмаса, штрафларын түләмәүчеләр саны тагын да күбрәк булыр иде, дип белдерде.
фотоnews.yandex.ru
Следите за самым важным и интересным в Telegram-каналеТатмедиа