Җырчы Мәликә яраткан кешесен югалткан

Җырчы хәзер Мәскәүдә яши. Сөйгәне белән дә ул шунда танышкан булган, күрәсең. 23 февраль көнне куелган постында Мәликә :”Тыныч йокла, кояшым. Әйтеп бетергесез авыр.

Югалтуы кыен... Бер ни дә үзгәртеп булмый. Беркайчан да онытмаячакмын. Мәңгегә минем йөрәгемдә һәм хәтеремдә. Яраттым. Яратам”, - дип язган ул һәм ир-егет сурәтен куйган.

Июнь башында җырчы: “Һәр иртә саен мин әле дә синең тавышыңны ишетәм. Бу җиңел түгел. Мин синең миннән шундый ерак икәнеңне беләм”, - дип яза.
 Соңгы 2-3 көндә җырчы яңа фотосессиядән сурәтләр урнаштыра башлады.

Ул сурәтләр астында да Мәликә: “Без югалткан кешеләребезне кайчан да булса очратачакбыз. Кайчан да булса.

Әлегә исә торырга һәм алга барырга кирәк”, - дип язган. 
 

http://shahrikazan.ru/news/yazmalar/mlik-yaratkan-keshesen-yugaltkan