Помидор җирен көздән әзерләгез
Бакча кечкенә булганлыктан, күп вакыт культураларны чиратлаштыру мөмкинлеге юк. Күпләр помидорны ел да бер урында үстерергә мәҗбүр. Быел ул нык череде, киләсе ел өчен җирне йогышсызландырырга, әзерләргә кирәк.
Үсемлек калдыкларын яхшылап җыярга, бау, таякларны марганцовканың куе эремәсендә йогышсызландырырга, чүп-чарны яндырырга кирәк. Көздән помидордан бушаган урынга гәрчич чәчү яхшы.
Язын туфракка 90 оСка кадәр җылытылган су сибәргә була. Өстенә пленка каплап торырга. Үсентеләрне бер атнадан утыртырга була. Туфракны “Фитоспорин” препараты белән сәламәтләндерергә мөмкин. Ул порошок яки паста формасында чыгарыла.
5 г порошокны 10 л суга кушып, үсентеләр утыртырга бер атна кала, җиргә сиптерергә. Пастага 1:2 исәбеннән су кушып, төерләре беткәнче болгатырга. Аннан 1 аш кашыгы концентратны 10 л суга кушып, җиргә сибәргә. Эремәне 3 м2 мәйданга 10 л исәбеннән сиптерергә. Тырма белән җирне тигезләргә һәм пленка белән каплап торырга. Помидор үсентеләрен утыртканда, чокырына агач көле сибәргә.
фотоliveinternet.ru
http://tulachi.ru/news/faidali-kinishlir/pomidor-iren-kozdn-zerlgez
Следите за самым важным и интересным в Telegram-каналеТатмедиа