Күгәрчен мәктәбе укучылары үзләренең уңышлары белән сөендереп торалар

 Күптән түгел алар Яр Чаллы шәһәрендә чыгучы "Көмеш кыңгырау" республика балалар һәм яшүсмерләр газетасы һәм Татарстан Язучылар берлеге белән бергә оештырылган әдәби-иҗтимагый премиясе тапшыру чарасында булып кайттылар.

Әлеге газета битләрендә 2019 нчы елда басылып чыккан шигырьләре һәм даими хезмәттәшлек өчен 9 сыйныф укучылары Әдилә Мингарипова һәм Инсаф Гатауллин (сыйныф җитәкчесе Тәнзилә Закирова) Шәүкәт Галиев исемендәге әдәби-иҗтимагый премиясенә ия булдылар.