Илдар Таҗетдинов барлык балыкбистәлеләрне Ватан Геройлары көне белән котлый

Сезне чын күңелдән Ватан Геройлары көне белән котлыйм һәм сугыш кырларында батырлыклары яки тыныч вакытта югары дәүләт бүләкләренә лаек булган райондашларыбызга ихлас күңелдән ихтирам сүзләрен җиткерәм. 

Ватан Геройлары көне безнең тормышыбызга һәм йөрәкләребезгә нык кереп калды.

Балык Бистәсе районы 9 Бөек Ватан сугышы Героеның ватаны булып тора. Аларның батырлыгы һәм фидакарьлеге нәтиҗәсендә без киләчәккә ышаныч белән карыйбыз, илебез тарихы белән горурлана алабыз. Рәхмәт һәм соклану сүзләрен Бөек Ватан сугышының кырыс елларын узган, шулай ук тыныч тормышта фидакарь батырлык үрнәкләре күрсәткән буынга да җиткерәсем килә.

Ватаныбыз өчен зур эшләр башкарган герой батырларын халкыбыз онытырга тиеш түгел. Алар батырлыгы мәңгелек! Җирдә һәрвакыт тынычлык, иминлек булсын! Һәркемгә бәхет һәм шатлык телим!

Илдар Таҗетдинов.