Фольклор сәнгать фестивале
Күптән түгел район мәдәният йортында Ватанны саклаучылар елы кысаларында «Хәтер бизәге» дип исемләнгән районкүләм татар фольклор сәнгате фестивале узды.
Милли традицияләрне, йолаларны, халык җырларын саклап калу һәм яшь буынга тапшыру максатыннан оештырылган бу бәйрәм Татарстан Республикасының атказанган мәдәният хезмәткәре Фирдания Бәдретдинова җитәкчелегендә узды. Әлеге күркәм чараны Гөлшат Кәримуллина һәм Эльмира Әхмәтова алып бардылар. Фестивальдә районыбызның төрле авылларыннан килгән фольклор коллективлары, Фәтхерахман Әхмәдиев исемендәге балалар сәнгать мәктәбе, 1 нче гимназия һәм 2 нче урта мәктәп иҗат коллективлары чыгыш ясады.
Фестивальне «Чын әйтәмен» керәшен халык җыры белән “Бистә егетләре” вокаль ансамбле һәм «Рапсодия» бию төркеме ачып җибәрде. Егетләр-кызлар үзләренең дәртле бию хәрәкәтләре, матур тавышлары белән халык мәхәббәтен яуладылар.
Ямаш авылыннан килгән «Чишмә» үрнәк балалар фольклор коллективы «Язны каршылау» күренешен сәхнәләштерде. Чыгышларын бик оста башкарып, яз фасылының иң матур, гүзәл чорын каршы алдылар алар. Венер Мөбәрәкшин җитәкчелегендә «Рәйхан» курайчылар үрнәк ансамбле татар халык көйләреннән тезмә башкарды. Олы Елга авылыннан «Асыльяр» үрнәк балалар фольклор коллективы тамашачы хозурына «Боз озату» йоласын күрсәтте. Элек боз киткән вакытта яшьләр болынга җыелып, җырлы-биюле уеннар уйнаганнар. Елга-инеше булган авылларда бу матур гадәт әле дәвам итә.
Дәвамын «Авыл офыклары» газета битләрендә укый аласыз
Автор Рәзилә Мөхәммәтрәхимова.
Следите за самым важным и интересным в Telegram-каналеТатмедиа