Динә-Рафаэль Латыйповлар: “Ялгышулар хаталарны төзәтергә өйрәтте”

 Һәм дәвам итеп, үзе белән интервью да тәкъдим иткән. 

Бик кызыклы килеп чыккан булса кирәк,– иҗатын яратучыларга бу ошар, мөгаен.

Азагында: “Искәрмә! Интервью 34 ел бергә гомер иткән Динә Латыйповадан.))16.08.19”, дип куелган.

 Сезгә дә тәкъдим итәбез.

-Рафаэль, син бәхетлеме?

-Аллага шөкер.

-Синеңчә бәхет нәрсә ул?

-Бу дөньяга туу, яшәү, яшьнәү, гомер сукмагында үзеңнең эзеңне калдыру.

  -Син нинди төсләр яратасың?

-Бар төсләрне дә.

Чөнки ул табигать бизәге.

Шул төсләрне күрә, аера алу да зур бәхет бит!

-Үзең әйткән гомер сукмагың җиде юл чатына кайтарып булса, кайсыннан китәр идең?

-Кабат әлеге юлны сайлар идем.  

-Ничек инде бер сукмактан ике тапкыр?

-Мөмкин булса биш тә үтәр идем! -Ул сукмак бит тигез генә булмагандыр?

Сикәлтәләр, абынулар, ялгышулар, сынаулар..

-Сикәлтәләр сикереп чыгарга, абынулар торып китәргә, ялгышулар хаталарны төзәтергә,сынаулар чыдам булырга өйрәтте!

-Унышлар килгәндә тәккәберләнмисеңме?

-Шөкер итәм!

-Иң яраткан кешең?

-Әти-әнием, син, балаларым, оныкларым,туганнарым, дусларым!

-Оо-о, бик күп икән!

Сине яраталармы?

-Иң мөһиме - мин яратам!

-Син идеал кешеме?

-Фәрештә генә идеал була аладыр.   -Гомер бизмәнендә үлчәүсез алырга теләгән малың?

-Акыл, сәламәтлек.  

-Иң зур байлыгың? -Сез!

-Ин зур таянычың? -Аллаһ Тәгалә!  

-Иң якты юлың?

-Кыйблам.

Тулырак: http://matbugat.ru/news/?id=26253

фотоok.ru