Балыкбистәлеләр, белешмә бирү туктатыла
Россия Эчке эшләр министрлыгының “Россия Федерациясе Эчке эшләр министрлыгының хөкем ителгәнлек (ителмәгәнлек) яки җинаять җаваплылыгына тартылу, җинаять җаваплылыгы туктатылу турындагы белешмәләр бирү буенча дәүләт хезмәте күрсәтү административ регламентын раслау турында”гы Әмере 2020 елның 10 февраленнән закон көченә керү сәбәпле Россия эчке эшләр министрлыгының Балык Бистәсе районы буенча бүлеге әлеге төр белешмәләрне бирү буенча дәүләт хезмәтенә гаризалар кабул итүне туктатты.
Гражданнарга әзер белешмәләрне бирү 2020 елның 10 апреленә кадәр дәвам итәчәк. Белешмә гариза биргәннән соң 3 ай дәвамында яки эчке эшләр бүлегенә белешмә килгән датадан алып 2 ай дәвамында бирелергә тиеш.
Следите за самым важным и интересным в Telegram-каналеТатмедиа