Балык Бистәсендә фотоконкурсның район этабы җиңүчеләре билгеле булды

Шушы көннәрдә  әлеге бәйгенең районкүләм соңгы этабы үтте.

Балык Бистәсе башкарма  комитет җитәкчесенең социаль мәсьәләләр буенча урынбасары Айгөл Вафина җитәкчелегендә җюри әгъзалары район мәдәният йортында җиде номинация буенча җиңүчеләрне билгеләделәр.

“Әйе” дип тавыш бирәбез”, “Элек юк иде”, “Кунакка чакырабыз”, “Чишелеш юлы бар”, “Туры караш”, “Объективта балалар”, “Республика файдасына, һәркем мәнфәгатьләрендә” номинацияләре җиңүчеләре район мәдәният йортында булачак әниләр көненә багышланган бәйрәм чарасында бүләкләнәчәк.