Балык Бистәсендә пенсионерлар арасында шахмат һәм шашка буенча район темпо-турниры узачак

 Балык Бистәсендә пенсионерлар (ветераннар) арасында шахмат һәм шашка буенча «Өченче яшь» район темпо-турниры узачак. Ул 25 гыйнвар көнне 10.00 сәгатьтә район мәдәният йорты бинасында «Ак ладья» шахмат клубы базасында үткәрелә.
Катнашучыларны теркәү 8.00 дән 9.50 гә кадәр фойеда була. Турнирда катнашу өчен 60 яшь һәм аннан өлкәнрәк ир-атлар, 55 яшь һәм аннан өлкәнрәк хатын- кызлар кертелә.