Балык Бистәсе районы  “Ата-аналарга БДИ тапшыруның бердәм көне” Бөтенроссия акциясендә катнаша.

 Бу көнне чыгарылыш сыйныф укучыларының ата-аналары Бердәм дәүләт имтиханнары тапшыруның бөтен процедурасын, металлодетектор рамкасыннан алып имтихан нәтиҗәләрен алуга кадәр узалар.

 Мәгариф һәм фән өлкәсендә күзәтчелек буенча федераль хезмәт “Ата-аналарга БДИ тапшыруның бердәм көне” Бөтенроссия акциясен дүртенче тапкыр үткәрә.

БДИга әзерлектә белем генә түгел, ә бәлки  баланы психологик яктан әзерләү, аның үз көченә ышануы да зур әһәмияткә ия. Ә монда гаиләнең, ата-аналарның роле бәхәссез. Шуңа да Мәгариф һәм фән өлкәсендә күзәтчелек буенча федераль хезмәт бу акцияне оештыра да инде. Беренче чиратта ата-аналар БДИның кагыйдәләре, процедуралары белән танышырга һәм аларны балаларына аңлатырга тиешләр.

Акция укучыларга һәм ата-аналарга БДИга әзерлеккә бәйле артык киеренкелекне йомшартырга, җәмәгатьчелекне имтихан тапшыру процедурасы белән якыннан таныштырырга мөмкинлек бирә.   “Ата-аналарга БДИ тапшыруның бердәм көне” Балык Бистәсе гимназиясендә 10.00 сәгатьтә уздырыла. БДИ да катнашучыларның үзләре белән паспортларын алып килүләре сорала.

Фирая Әхмәтҗанова,

район мәгариф бүлеге методисты.

фотоshurshkola.ru