Баласына кислоталы ботка ашаткан
Севастопольдә яшәүче хатын бер яшьлек кызына ботканы кислота кушып пешергән.
Бу хакта " Комсомольская правда" гәзите хәбәр итә.
Ботка ашатканнан соң баланың хәле начарайган һәм әнисе аны дәваханәгә алып килгән. Табиблар балада тамак юлының һәм ашказанының химик пешүен ачыклый.
Хатын табибларга кызга ботка әзерләгәне һәм ялгыш су урынына кислота салганы турында сөйли. Әлеге вакытта баланың сәламәтлеге турында мәгълүмат юк. Табиблар белдерүенчә, аның хәле теләсә кайсы вакытта начарланырга мөмкин.
Әлеге вакытта хатын-кыз белән полиция хезмәткәрләре сөйләшә һәм вакыйганың сәбәпләре ачыклана, дип яза Кызыл таң.
http://baltaci.ru/news/t%D3%A9rlese/balasyna-kislotaly-botka-ashatkan
Следите за самым важным и интересным в Telegram-каналеТатмедиа