Алинә Заһитова, спорт карьерасын тәмамлагач, нәрсә белән шөгыльләнәчәк?

Япония телевидениесенә биргән интервьюсында фигуралы шуу остасы япон рестораны ачарга хыяллануын белдерде. Интервьюның видеоязмасы Заһитованың Инстаграмдагы фан-битендә барлыкка килде.

«Хәзерге вакытта мин Япония буенча йөрим, япон рестораннарында барлык нәрсәнең дә ничек урнаштырылганын карыйм. Әлегә минем беренче планда фигуралы шуу тора, ә бу кызыксынуым спорттан соң булыр дип уйлыйм.

Миңа “рамен” ашы бик ошый, тик аның дуңгыз яисә сыер итеннән әзерләнгәнен ашамыйм. Миңа махсус тавык ите белән эшлиләр. Хәзерге вакытта бу — минем Япониядәге иң яраткан ризыгым”, — ди спортчы кыз.

Билгеле булуынча, Франциядә Гран-при этабында Алинә Заһитова көмеш медаль яулады. Алда 22-24 ноябрьдә Япониядә узачак Гран-при этабы тора.
 

источник http://saby-rt.ru/news/novosti/alin-zaitova-sport-karerasyn-tmamlagach-nrs-beln-shgyllnchk

фото wallpapercave.com