Авыл офыклары

Балык Бистәсе районы

18+
Рус Тат
2024 - год Семьи
Җәмгыять

6 яшьлек кыз дүртенче каттан егылып төшкән

Баланы табиблар караган, аның җитди имгәнүләре юк.

Томск шәһәрендә 21 ноябрь кичендә гадәттән тыш вакыйга була. 6 яшьлек кыз бала күп катлы йорттагы дүртенче этажда урнашкан фатир тәрәзәсеннән урамга егылып төшә. Бу турыда «Вести» каналы хәбәр итте.

Бала тәрәзәдән егылып төшкән мизгелне видеокүзәтү камерасы төшереп тора.  

Кадрларда баланың кар көрте өстенә егылып төшүе күренә. Аннары сабый тиз генә сикереп тора һәм подъездга таба кереп китә. 

Хәзерге вакытта бала хастаханәдә, ул җитди имгәнмәгән, диелә бу хәбәрдә.

 

РЕН ТВ каналы хәбәр иткәнчә, алты яшьлек кыз акробатика белән шөгыльләнә. Гадәттән тыш хәл булган көнне ул өйдә ялгызы гына калган һәм никтер тәрәзәдән егылып төшкән.

«Хастаханәгә китергәндә, баланың хәле авыр иде. Аны реанимациягә салдык, шунда күзәттек. Хәзер аның хәле стабильләште», — дип сөйләгән табиблар. 

Хәзер аның сәламәтлегенә куркыныч янамый. Ул гомуми палатага күчерелгән. Табиблар һәм туганнары сүзләренчә, кыз физик формасы яхшы булганга гына исән калган.

Чыганак: https://intertat.tatar/news/incident/24-11-2020/n-ni-bala-d-rtenche-kattan-egylyp-t-shk-n-m-y-gerep-en-kerep-kitk-n-video-5787507

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса
2
X