Башкалабызның метросында барлык системаларның куркынычсызлыгы тикшереләчәк
Метроэлектротранс" МУП комплекслы бригадасы 3 төн дәвамында Казан метрополитенының барлык системаларының куркынычсызлыгын тикшерәчәк. Эш төн уртасында башланачак һәм иртәнге 5тә тәмамланачак.
Профилактика максатыннан, "Метроэлектротранс" каршында, көтелмәгән хәлләр очрагына дип, штаттагы хезмәткәрләрдән торган 40 кешедән бригада булдырылган. Кичә эш төркеме төрле юнәлештәге белгечләр белән көчәйтелгән һәм 70 кешедән торган комплекслы бригада дип йөртелә башлаган.
Искәртә: 15 июльдә иртән Мәскәү метросында "Парк Победы" һәм Славянский бульвар" станцияләре арасында поезд һәләкәткә очрады.Әлегә 22 кешенең һәлак булуы билгеле.
162 кеше зыян күргән, 129ы Мәскәүнең дәвалау учреждениеләренә китерелгән, 11 зыян күрүчегә урында ярдәм күрсәтелгән.
Башлангыч мәгълүмат буенча, һәлакәтнең сәбәбе - стрелканың төзек булмавы.
Фото с yandex.ru
Следите за самым важным и интересным в Telegram-каналеТатмедиа
Нет комментариев