Район табиблары Супер Кубок яулап алдылар

Җәй буе диярлек "Яшьлек" стадионында кызу футбол бәйгеләре барды. Район башлыгы призларына ия булу өчен авыл җирлеге, оешма, предприятие командалары көч сынаштылар. Турнирда барлыгы 15 команда катнашты. Авыл җирлекләре арасында Юлсубино, оешма, предприятияләр бәйгесендә район үзәк больницасы командалары җиңеп чыкты. Күптән түгел бу ике команда район башлыгының Супер Кубогын яулау өчен уйнадылар. Киеренке ярышта үзәк больница командасы 3:2 исәбе белән җиңүгә иреште.