Икеләтә файдалы

Үзем дә бер ел дәвамында шушы ике контурлы казаннан файдаланып яшәвем дәверендә үзәкләштерелгән җылытуга караганда 2-2,5 мәртәбә кимрәк түләүнең шаһиты булдым. Алдагы елларның кышын әле дә борчылып искә алам. Ул вакытларда фатирда җылы өс киемнәрен салмыйча яшәп тә җылылык өчен ай саен 2 шәр мең сум акча түли идек. Ә аңа карап батареялар барыбер җылынмады. Ә хәзер элеккегә караганда җылылык өчен күпкә азрак түләргә туры килә. Моннан тыш әле фатирымда җылылыкны җайларга мөмкин. Тагын бер өстенлекле ягын әйтми мөмкин түгел. Кранда җылы су бервакытта да бетми. Газ казанын үзеңә уңайлы вакытта сүндерергә яки кабызырга мөмкин.