Ветеран хөрмәтләнде

Шушы көннәрдә генә Күки авылында яшәүче сугыш һәм хезмәт ветераны Каюм ага Сафинга 90 яшь тулды.

Олы юбилее белән аны муниципаль район башлыгы Илһам Валеев котлады. Ул аңа Россия Федерациясе президенты Владимир Путинның котлау открыткасын һәм үзенең бүләкләрен тапшырды. Ветеранны шулай ук халыкны социаль яклау бүлеге җитәкчесе Айгөл Вафина белән авыл җирлеге советы башлыгы Мәүлә Исхаков тәбрикләделәр. Сугыш ветераны турында тулырак язманы газетабызның киләсе санында укый аласыз. Ә Бөек Ватан сугышында җиңүнең 70 еллыгына багышланган сәхифәбез газетабызның икенче битендә урын алды.