Авыл офыклары
  • Рус Тат
  • Туган як чишмәләре

    Ераклардан кайттык без

    Белергә сезнең хәлне.

    Кая барсак сагындыра

    Туган як чишмәләре.

    Алар безгә чыкканнар

    Урап авыр юлларны.

    Чишмәләрне күп күрсәк тә

    Сездәйләре булмады.

    Сез чыгасыз җир астынан

    Кыя, ташлар аралап.

    Суыгызны эчкәннәргә

    Тамчы саен бер савап.

    Туган якның чишмәләре

    Коя Тойма, Чулманга.

    Алар күңелгә бик якын,

    Ахры, шунда туганга.

    Җырлый-җырлый ага чишмә,

    Челтер-челтер авазы.

    Алар безгә алып килә

    Җиләкле җәй, язларны.

    Яшибез әле, яшибез

    Сез чишмәләр булганда.

    Реклама

    Күп вакытта безне саклый

    Тамчы су сусаганда.

    Айлы кичтә чишмәләрдә

    Йолдызлар да коена.

    Күрим дисәң, килеп кит син

    Безнең Тойма буена.

    Радищев та мактап язган

    "Изгеләр чишмә" суын.

    Синтәк белән Котловка да

    Чиста суга бай булсын.

    Исең китеп торырлык бит

    Бу илаһи гаҗәпкә.

    Алар табигать бүләге

    Бирелмиләр әҗәткә.

    Әй чишмәләр, чыккансыз сез

    Ерак юлларны урап.

    Без дә бүген җыелыштык,

    Чишмәләр, сезне зурлап.

    Миннур Сафиуллин.

    Фото: http://komanda-k.ru/sites/default/files/P1020588.JPG

    Иң мөһим һәм кызыклы язмаларны Татмедиа Telegram-каналында укыгыз


    Теги: чишмә
    Нравится
    Поделиться:
    Реклама
    Комментарии (0)
    Осталось символов: