Авыл офыклары

Балык Бистәсе районы

Рус Тат
Шигърият

Татар, диеп мактанабыз...

Ә безнең нәрсәбез бар?

Килер вакыт, масайганны

Бу дөнья изәр, сытар.

Язабыз бик күп сүзләрне,

Урысчага ияреп.

Яши телдә чит-ят сүзләр-

Рәхәтләнеп, кинәнеп.

Милләтне алга илтүдә

Хәлләребез чамалы,

Татар өчен көрәшергә

Инде кеше калмады...

Динебезне хөрмәт итеп,

Бик дөрес алдыралар.

Тик, хәергә маллар җыеп,

Көлкегә калдыралар.

Дүрт-биш тапкыр, мода куып,

Бара диндар Мәккәгә

Хаҗ кылырга тилмергәннәр:

«Ник гел алар? Нәрсәгә?»

Заманалар нык үзгәрде

- Сафлык, намус югалды.

Һәр чатта тәмәке тарта

«Горур» татар кызлары.

Халкыбызга ярдәм кирәк -

Шул хакта ныклап уйлыйк!

Яңа тормыш корган чакта,

Бер фикердә без булыйк!.

Роберт Шаймарданов.

Фото:http://travelinf.ru/kazan-2/

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев