Авыл офыклары
  • Рус Тат
  • Матур төш

    Чиләк-көянтәсен иңгә салып,

    Берәү килә чишмә юлыннан.
    Нияте бар, ахры, чәй куярга,
    Шул чишмәнең салкын суыннан.

    Аяк атлаулары миңа таныш,
    Ап-ак яулыгы да һаман шул.
    Ахры, мине танып алды Әни,
    Үзенә чакырып болгый миңа кул.

    Йөгерә-йөгерә бардым яннарына,
    Сузды миңа тулы чиләген.
    "Миңа кылган догаларың өчен,
    Булсын сиңа, балам, бүләгем".

    Әйтәм аңа: "Ничек инде,Әни,
    Чишмә суы бүләк булалсын?".
    -Су түгел бу, балам, әниеңнең,
    Сиңа дигән хәер-догасы.

    Рәхмәт әйтеп газиз Әниемә,
    Шул чиләкне алдым кулыма.
    Йә, Ходаем, минем догаларым,
    Ирешкән бит аның рухына.

    Менә шундый матур төшләр күреп,
    Буген иртән иртүк уяндым.
    Кылган догаларым кабул булган,
    Мең-мең рәхмәт Сиңа, Ходаем.

    Фәнис Мөхәммәтҗанов.

    Фото: http://www.wellnews.ru/uploads/posts/2012-12/1355714261.jpg

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: