Тәмәке сине сындырганчы, үзең аны сындрып ташла

Халыкны социаль яклау бүлеге хезмәткәрләре һәм "Форпост" үзәге иртәнге сәгать җидедән автомобильдә үтүче райондашларның күңелен күтәрде. Без шоферларга "үзеңнең сигаретыңны безнең конфетка алыштыр" тәкъдиме белән мөрәҗәгать иттек.

Андыйлар күп булыр, дип уйлаган идек. Акция дәвамында безгә киресен күзәтергә туры килде. Тәмәке тартучыларны бик сирәк очраттык. Бу бик сөенечле хәл, әлбәттә. Мондый акцияләр үткәрү бик мөһим һәм кирәк, дип саныйбыз.

Халыкка һәм экологик чиста районыбызга рәхмәт әйтергә тиешбез. Җир шарын бу гадәттән коткара алмасак та, без аңа таба бер адым ясадык, дип уйлыйм.

Лилия Кәримуллина.

Халыкны социаль яклау бүлеге психологы.

Автор фотолары.