Сельские горизонты
  • Рус Тат
  • Яшен яшьнәгәндә ничек исән калырга?

    “Күрәчәгең булса, күркә чукып үтерә”, - дисәләр дә, яшен белән шаярырга ярамый. Хәвефсезлек кагыйдәләрен һәрчак истә тотарга кирәк.

     Яшен вакытында ачык урында булсагыз:

    Реклама

    –    кесә телефонын һәм башка җайланмаларны сүндерегез, кулчатыр кулланмагыз;
    –    биек агачлар астына (аеруча ялгыз агач булса) яшеренмәгез. Белгечләр, аеруча имән, тупыл, чыршы, нарат астына качмаска куша;
    –    ышыкланыр урын булмаса, җиргә ятарга яки коры чокырга, ызанга, буразнага чүгәләргә кирәк. Җиргә якынрак булырга тырышыгыз;
    –     яшен вакытында урманда калсагыз, тәбәнәк үлән арасына яшеренегез;
    –    яшен вакытында су коенырга ярамый. Яшен күренүгә су яныннан, ярдан китегез;
    –    суга якын куакларга ышыкланырга да уйламагыз;
    –    көймәдә булсагыз, ярга таба ишегез, судан чыгу җаен карагыз;
    –    яшен вакытында йөгерергә, велосипедта йөрергә ярамый;
    –    ышык урын эзләргә туры килсә дә, йөгермәгез, сабыр гына атлап барыгыз;
    –    калкулыкта булсагыз, түбәнгә төшегез;
    –    автомобильдә китеп барсагыз, туктагыз. Бу хәтәр үтеп киткәнче биек агачлар булмаган юл читендә яки махсус тукталышта торыгыз.
    –    тәрәзәләрне ябыгыз, антеннаны төшерегез, машинада гына утырыгыз;
    –    велосипед һәм мотоциклның бу вакытта гомер өчен куркыныч тудыруы бар. Аларны җиргә яткырырга һәм, ким дигәндә, 30 метрга читкәрәк китеп торырга кирәк, дип яза Өмет.

    http://baltaci.ru/news/t%D3%A9rlese/yashen-yashngnd-nichek-isn-kalyrga
    Фото: ачык чыганак.

    Нравится
    Поделиться:
    Реклама