Миңнур Сафиуллин шигыре

 Сез бу дөньяныә чишмә башы,

Һәрбер инеш шуннан башлана,

Без һәрчак сезгә сыенабыз.

Кайгы-хәсрәт килсә башларга.

Күпме генә җырлар җырланмаган,

Сезнең хакта инде дөньяда.

“Әни” дигән бөек исем якын,

Сиңа да ул – изге, миңа да.

Шушы исем белән утка керә бала,

Кирәк булса төшә суларга.

Аналарның гүзәллеген аңлап,

Гөлләр үсә барыр юлларда.

Ир-егетләр бүген сезне котлап,

Чәчәк бәйләмнәре бирәбез.

Сезнең кылган изгелекләр өчен,

Белмим, ниләр белән түләрбез.

Кайчан да бер сезне хөрмәтләп,

Йолдызлардан бәйләм тезәрләр.

Бу җиһанга җиһангирлар килә,

Туып тора тәүге гүзәлләр.

Йолдызлар да балкыбрак яна,

Бүген сезнең бәйрәм көнендә.

 Олуг җиһан шәмдәлләрен элгән,

Бәйрәм итеп зәңгәр күгенә.

Миңнур Сафиуллин

Балык бистәсе районы

Балыклы-Чүкәй авылы.

фото архив