Әнине сагынып, Илһам абый янына килдек – Әлфия Авзалованың кызлары Гүзәл белән Зөлфия

(Казан, 19 июнь, «Татар-информ», Рузилә Мөхәммәтова). Әлфия Авзалованың гаиләсе кичә легендар җырчыбыз Илһам Шакиров янына хәлен белергә килгән. "Әлфия апаның кызларына бик зур рәхмәт. "Әнине сагынып Илһам абый янына килдек", диләр", ди "Татар-информ" хәбәрчесенә Илһам абыйның ярдәмчесе Илһам Хаҗиев.

Татар халкының бөек җырчысы Әлфия Авзалова 15 июнь көнне каты авырудан вафат булды. Аны озатырга Г.Тукай исемендәге филармония залына 2 мең тирәсе кеше килгән иде. Әлфия Авзалова Яңа татар бистәсе зиратына җирләнде.

http://tatar-inform.tatar/news/2017/06/19/142793/

фото интернет чыганаклардан алынды.