Рафига Ихсанова: бүләк өләшү белән генә чикләнмибез

Профсоюз оешмасы эшчәнлеге хакында белмәүчеләр, бүген аны яңа ел бәйрәмендә балаларга бүләк әзерләүче, хастәханәдә дәваланган хезмәткәргә ярдәм күрсәтүче һәм саноториягә ташламалы юллама бирүче оешма итеп кенә күз алдына китерәләр. Аңлаган кешегә бу җәмагәть оешмасы хезмәт кешесе өчен бик күп эшләр башкара. Ул коллектив эшчәннәренең социаль тормыш хәлләре хакында кайгырта, хокукый ярдәм күрсәтү әмәлен таба. Бу эштә бездә коллектив килешүе ярдәмгә килә. Ул документ хезмәт кешесенең эш һәм тормыш хәлләрен яхшырту, эш хакын күтәрү, һөнәри осталыгыын үстерү кебек социаль яклаучы вазыйфасын да уңышлы үти. Бер -беребез белән аңлашып, киңәшләшеп эшләгәнгә генә коллектив алдында торган катлаулы мәсәләләрне без һәрвакыт уңай хәл итәбез. Шуңа күрә һәрвакыт ел тәмамланганда коллектив килешүенә кертелгән пунктларны кат-кат карап чыгып, хезмәткәрләребез тәкъдимнәренә колак салабыз. Елның-елында яңа үзгәрешләр кертәбез.