Узган атнада Балык Бистәсе районында ике юл-транспорт фаҗигасе теркәлгән

Шимбә көнне "ВАЗ-2112" автомобилен йөртүче Балык Бистәсенең Ленин урамында җәяүлене бәрдерде. Ул авыр хәлдә республика клиник больницасына озатылды.

Ял көнне Казан-Яр Чаллы юлында ВАЗ-2110 автомобиле белән идарә итүче каршы як хәрәкәт полосасына чыга һәм ДЭУ автомобиле белән бәрелешә. Инспекторлар ВАЗ йөртүченең руль артында йоклап киткән булырга мөмкин дип фаразлыйлар. Шоферлар икесе дә республика клиник больницасына җибәрелделәр.

Фото: http://www.bashinform.ru/upload/img_res800/5cd3165349ac0fd3/f705c54908e74f891a270fd1a079b55a_ejw_800.jpg