Татарстанда сөт ташучы машина күпердән мәтәлгән: йөртүчесе үлгән...

Алексеевск районыннан ярымтагылма арбалы сөт җыю машинасы Нурлат районы Сәләнгеш янындагы кечкенә күпердән төшеп китә. Күпер култыксасы җимерелә, кабина ычкына, сөт Сәләнгеш елгасы кушылдыгына агып бетә, дип яза "Дуслык" газетасы.

Һәлакәт булган урында машина йөртүче - 1963 елгы ир-атның гомере өзелә. Ул Алексеевск районының бер авылыннан булган, диелә. Һәлакәт юлның бозлавык булуы аркасында килеп чыккан, дип фаразланыла.