Яшьләрдә патриотик үзаң, Ватанга тугырылык, гражданлык, конституцион бурычларны үтәүгә әзерлек тәрбияләү максатыннан Татарстан Республикасында 16 февральдән 23 февральгә кадәр "Батырлык атналыгы" үткәрелә. Аның барышында Ватанны саклаучылар көненә багышланган патриотик юнәлештәге чаралар уздырылачак. Акция кысаларында район эчке эшләр бүлеге хезмәткәрләренең һәм ветераннарның балалар бакчаларында, мәктәпләрдә очрашулар оештырулары планлаштырыла. Ә күптән түгел...
Яшьләрдә патриотик үзаң, Ватанга тугырылык, гражданлык, конституцион бурычларны үтәүгә әзерлек тәрбияләү максатыннан Татарстан Республикасында 16 февральдән 23 февральгә кадәр "Батырлык атналыгы" үткәрелә. Аның барышында Ватанны саклаучылар көненә багышланган патриотик юнәлештәге чаралар уздырылачак. Акция кысаларында район эчке эшләр бүлеге хезмәткәрләренең һәм ветераннарның балалар бакчаларында, мәктәпләрдә очрашулар оештырулары планлаштырыла.
Ә күптән түгел Балык бистәсе гимназиясенең Р. Мөхәммәтҗанова җитәкчелегендәге 8б кадет сыйныфы укучылары үзләре Россия эчке эшләр министрлыгының Балык бистәсе районы буенча бүлегенә кунакка, "ачык ишекләр" көненә килделәр. Нинди генә иҗтимагый стройда яшәсәк тә, хокук тәртибе, законлылык сагында торучылар җәмәгать тормышында бик мөһим роль уйныйлар. Бүгенге заманда да полиция хезмәте бик тә кирәкле, абруйлы.
Кадетларны бүлек начальнигының личный состав белән эшләү буенча ярдәмчесе, подполковник Рәдиф Зәйнуллин каршылады. Ул укучыларга Россия эчке эшләр министрлыгының Балык бистәсе районы буенча бүлегенең җәмәгать тәртибе тәэмин итү, гражданнарның хокукларын, законлы мәнфәгатьләрен яклау, ышанычын яулау юнәлешендәге эшчәнлеге, һәр службаның бурычлары белән таныштырды. Укучыларның сорауларына җавап бирде.
Полиция начальнигының урынбасары Александр Ненастьев бүгенге көндә полиция хезмәткәрләре арсеналында булган кораллар, элемтә чаралары, башка төрле махсус җиһазлар турында сөйләде.
Укучылар полиция хезмәткәрләренең эш шартлары белән дә таныштылар. Мавыктыргыч экскурсия заманча компьютерлар, элемтә чаралары белән җиһазландырылган дежур бүлектән башланды. Тренажерлар урнаштырылган спорт залы да ошады укучыларга. Көч сынашып та алдылар әле хәтта. Турникта күтәрелүдә М. Ардатов, И. Гаффаров, Б.Низамиев, гер күтәрүдә А. Галямов, Б.Кәлиев, Б.Шәйдуллин көчләрен күрсәттеләр. "Ачык ишекләр" көненә килгән кадетларга истәлекле бүләкләр тапшырылды.
Бу очрашу укучылар күңелендә эзсез калмас, шәт. Араларында полиция һөнәрен сайларга теләүчеләр дә табылыр әлбәттә. Гражданнарның иминлеген, тынычлыгын, законлы хокукларын саклау игелекле, җаваплы хезмәт бит.
Иң мөһим һәм кызыклы язмаларны Татмедиа Telegram-каналында укыгыз
