Авыл офыклары

Балык Бистәсе районы

18+
Рус Тат
2024 - год Семьи
Кызыл. Сары. Яшел

Полиция хроникасы

2013 елның гыйнварь аенда Россия Эчке эшләр министрлыгының Балык бистәсе бүлегенә җинаятьләр, административ хокук тәртибе бозулар турында 94 хәбәр, гариза алынды. Район территориясендә 32 юл-транспорт фаҗигасе теркәлде. Полиция хезмәткәрләре 169 кешегә административ беркетмә төзеделәр. Шуларның 11 е вак хулиганлык кылган өчен, 17 гражданин салынган штрафны вакытында түләмәгәнгә җавапка тартылдылар.

2012 елның 26-30 декабрь көннәрендә Рус Әшнәге авылындагы "Назимов" крестьян-фермер хужалыгының дуңгызчылык комплексыннан 10 ар килограмлы 3 дуңгыз баласын урлыйлар. Оператив-тикшерү чаралары барышында шикле кеше ачыкланды.
* * *
4-5 гыйнварда шул ук крестьян-фермерлык хуҗалыгы башлыгының йорт верандасыннан 20 килограмм дуңгыз ите урлыйлар. Китерелгән зыян 4000сум. Шикле кеше ачыкланды.
* * *
10-12 гыйнвар көннәрендә Масловка авылында Набережная урамындагы бер йортның тәрәзәсен ваталар. Гараж ишегендәге йозакны кисеп кар чистарткыч һәм электр пиласы урлыйлар.
* * *
6-19 гыйнварда Сорочьи Горы авылында билгесез кешеләр сарайның бикләгеч җайланмасын ватып көймә моторы, электр рубаногы, электр пиласы, электр дреле урлыйлар.
* * *
Балык бистәсендә яшәүче бер гражданин алдау юлы белән 2011 елның 2 декабреннән 2012 елның 10 октябренә кадәр чорда законсыз рәвештә гомуми суммасы 14327,92 сум күләмендә эшсезлек буенча пособие ала.
* * *
12 гыйнвар көнне Балык бистәсендә 5 сыйныф укучысына эт ташлана. Эт хуҗасына ТР административ хокук бозулар кодексының 3.7 маддәсе буенча административ беркетмә төзелде.
* * *
21 гыйнвар көнне район үзәк больницасына башында һәм тәнендә бик күп җәрәхәтләр белән пенсионер китерелә. Аның сүзләренә караганда улы кыйнаган.
* * *
23 гыйнвар көнне 21.30 сәгатьтә Анатыш авылындагы "Лидер" кибете янәшәсендә гр.В. гр М.ның кулына ике мәртәбә тимер торба белән суга. Тикшерү бара.
* * *
26 гыйнвар көнне билгесез кешеләр ЮХИДИ инспекторының «Лада-Приора» машинасының тәрәзәләрен ваталар.
* * *
27 гыйнвар көнне Анатыш авылында гр. С.ның пневматик пистолетын урлыйлар. Оператив-тикшерү чаралары барышында шикле кеше ачыкланды.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев