Авыл офыклары
  • Рус Тат
  • Полиция хроникасы

    2013 елның октябрь аенда Россия эчке эшләр министрлыгының Балык бистәсе буенча бүлегенә җинаятьләр һәм хокук тәртибе бозулар турында 188 хәбәр һәм гариза керде, 9 җинаять эше кузгатылды. Җинаять эше кузгатудан баш тарту турында 22 карар кабул ителде. 93 административ беркетмә төзелде.

    21 сентябрь көнне Балык бистәсенең З.Шәймарданов урамында билгесез кеше 6 сыйныф укучысының кесә телефонын урлый. Бу факт буенча РФ Җинаятьләр кодексының 158 маддәсе, 1 бүлеге буенча җинаять эше кузгатылды.
    * * *
    5 октябрьдә Балык бистәсенең З.Шәймарданов урамындагы сәүдә рәтләреннән билгесез кеше чалбар һәм кышкы куртка урлый. Тикшерү оператив группа бу җинаятьне кылуда шикле кешене ачыклады. Җинаять эше кузгатылды.
    * * *
    10 октябрьдә Балык бистәсендә булган янгын факты буенча РФ Җинаятьләр кодексының 167 маддәсе, 2 нче бүлеге буенча ("Явыз нияттән кеше милкенә зыян китерү яки юк итү") җинаять эше кузгатылды.
    * * *
    11 октябрьдә Балык бистәсендә яшәүче гражданин чит кеше машинасының көзгесен вата, ишегенә зыян китерә. Бу факт буенча да җинаять эше кузгатылды.
    * * *
    11 октябрьдә районыбызның бер торак пунктыннан автомобиль куып китәләр. Полиция бүлеге хезмәткәрләренең оператив эшчәнлеге нәтиҗәсендә автомобиль куучы Питрәч районы территориясендә тоткарлана.
    * * *
    13 октябрьдә Зәңгәр Күл авылы янәшәсендәге "Алан" чишмәсеннән бензогенератор урлыйлар. Җинаять эше РФ Җинаятьләр кодексының 158 маддәсе, 1 нче бүлеге (урлашу) буенча кузгатылды.
    * * *
    23 октябрь көнне Корноухово авылындагы торак йортка законсыз керү факты буенча җинаять эше кузгатылды.
    * * *
    25 октябрьдә район эчке эшләр бүлеге хезмәткәрләре гражданин А.ны тоткарлыйлар. Тикшерү вакытында аннан ау мылтыгы обрезы алына. Җинаять эше кузгатылды.
    * * *
    28 октябрьдә суд приставлары федераль службасы хезмәткәрләре гражданин Б.га карата җинаять эше кузгаттылар. Бу гражданин үз керемнәрен яшереп балигъ булмаган баласына алимент түләмәгән.

    Нравится
    Поделиться:
    Реклама
    Комментарии (0)
    Осталось символов: