Авыл офыклары
  • Рус Тат
  • “Бала–төп пассажир”

    Район юл хәрәкәте иминлеге дәүләт инспекциясе балалар катнашында юл-транспорт травматизмын профилактикалау һәм каникуллар вакытында балаларның иминлеген тәэмин итү максатыннан мәгариф органнары белән берлектә 17 марттан 31 мартка кадәр чорда комплекслы чаралар үткәрә. "Язгы каникуллар" оператив-профилактик чара кысаларында 21 мартка кадәр "Бала-төп пассажир" акциясе игълан ителде. Бу чорда ЮХИДИ хезмәткәрләре балаларны...

    Район юл хәрәкәте иминлеге дәүләт инспекциясе балалар катнашында юл-транспорт травматизмын профилактикалау һәм каникуллар вакытында балаларның иминлеген тәэмин итү максатыннан мәгариф органнары белән берлектә 17 марттан 31 мартка кадәр чорда комплекслы чаралар үткәрә.
    "Язгы каникуллар" оператив-профилактик чара кысаларында 21 мартка кадәр "Бала-төп пассажир" акциясе игълан ителде. Бу чорда ЮХИДИ хезмәткәрләре балаларны махсус креслоларсыз һәм куркынычсызлык каешларын каптырмыйча йөртүче автоһәвәскәрләрне ачыклауга зур игътибар бирәләр.
    -Күрелгән чаралар, аңлату эшләре нәтиҗәсеме, әллә штрафларның артуы аркасындамы, соңгы вакытта мондый җавапсыз ата-аналар күпкә кимеде. Әмма очрап торалар әле,-диләр ЮХИДИ хезмәткәрләре.
    Балигъ булмаганнар эше хезмәткәрләре белән берлектә балалар арсында юл йөрү кагыйдәләрен бозучыларны ачыклауга юнәлдерелгән рейдлар уздыру да күздә тотыла. Дәүләт автомобиле инспекциясе хезмәткәрләре мәктәпләрдә, балалар бакчаларында, ата-аналар җыелышында юл хәрәкәте куркынычсызлыгы темасына әңгәмәләр дә үткәрәләр. Бу җәһәттән, беренче чиратта, ата-аналарның игътибарлы, кайгыртучан булуы сорала. Нәкъ менә каникул көннәрендә балаларның юл һәлакәтләренә эләгү очраклары арта. Балаларның урамда, бигрәк тә автомобиль юллары тирәсендә караучысыз йөрүләренә, уйнау-шаяруларына юл куймаска, юлда йөрү кагыйдәләрен даими өйрәтеп, төшендереп торырга кирәк.
    Илгиз Шакирҗанов.
    фото yandex.ru

    Нравится
    Поделиться:
    Реклама
    Комментарии (0)
    Осталось символов: