Авыл офыклары
  • Рус Тат
  • “Районның йөзе үзгәрә”

    24 февраль көнне Балык бистәсе муниципаль районында эш визиты белән Татарс тан Республикасы Премьер-министры Илдар Халиков булып китте.

    Татарстан Республикасы хөкүмәте җитәкчесе иң элек Дон-Урай авылындагы шәхси эшмәкәр Илмир Габдриевның ит юнәлешендәге гаилә фермасы белән танышты. Бүгенге көндә фермада 200 баштан артык мөгезле эре терлек асрала. Илдар Халиков ферманың производство биналарын карап чыкты. Терлекләрне тоту шартларына игътибар итте. Авыл эшмәкәрләренең проблемалары һәм тормышы турында сөйләште. Районда 13 гаилә фермасы төзелгән һәм уңышлы гына эшләп киләләр. И.Халиков аларның җитәкчеләре белән ачыктан-ачык әңгәмә үткәрде, сораулар бирде. Күргәннәреннән һәм ишеткәннәреннән канәгать калды югары кунак. "Биредә үз эшен белә торган, үз алларына конкрет максатлар куйган кешеләр эшләгәнлеген сизелә. Эшлекле кешеләр республика биргән мөмкинлекләрдән хуҗаларча файдаланалар. Гаилә фермалары оештыруның кирәклеген мин аларга түгел, ә бәлки алар миңа аңлаттылар кебек",-дип уртаклашты ул үзенең тәэсирләре белән.
    Аннары Премьер-министр район үзәгендә төзелүче ветераннар йортын карады, тузган торак программасы буенча төзелгән күп фатирлы йортта булды.
    Илдар Халиков шулай ук Балык бистәсе муниципаль район Советы сессиясендә катнашты. 2011 елда районның социаль-икътисадый үсеш йомгаклары һәм 2012 елга бурычлар турында доклад белән район башлыгы Илһам Валеев чыкты. Сессиядә шулай ук Котлы Бөкәш авыл җирлеге башлыгы И.Фәсхетдинов, "Кама" кулланучылар җәмгыяте җитәкчесе Р.Бариев, АПГ "Алтын Саба" генераль директоры Д.Фәйзрахманов чыгыш ясадылар.
    Ахырда ТР Премьер-министры Илдар Халиков сүз алды. Ул Татарстанның социаль-икътисадый үсеше турында сөйләде. Балык бистәсе районының авыл хуҗалыгын, социаль тормышны, икътисадны үстерүдә алгарышлы адымнар белән баруын билгеләп үтте. «Соңгы елларда сез күп эшләр башкардыгыз. Районның йөзе күзгә күренеп үзгәрә»,-диде ул.
    Сессия ахырында Илдар Халиков укытучы-ветеран М.Трофимовага, комбайнчы Б.Хановка, шәхси эшмәкәр Р.Хәмидуллинга дәүләт бүләкләре тапшырды.

    Нравится
    Поделиться:
    Реклама
    Комментарии (0)
    Осталось символов: