10 ноябрь–эчке эшләр органнары хезмәткәрләре көне

Эчке эшләр органнары хезмәткәрләре көне алдыннан муниципаль район башлыгы И.Валеев аларны бәйрәм белән котлады. Котлауда: "Хөрмәтле полиция хезмәткәрләре һәм ветераннар! Сезнең хокукый дәүләт төзүгә керткән өлешегез бәяләп бетергесез. Көне төнгә ялгап балыкбистәлеләрнең иминлеген саклыйсыз, закон һәм хокук тәртибе сагында торасыз. Җинаятьчелек белән көрәштә дә алгы сызыкта барасыз. Авыр вакытларда гражданнар ярдәм сорап сезгә мөрәҗәгать итәләр һәм һәрвакыт яклау табалар.
Сезне һөнәри бәйрәмегез белән кайнар котлыйм. Нык сәламәтлек, иминлек һәм җәмәгать тәртибе сагындагы хезмәтегездә яңа уңышлар телим",-дигән сүзләр бар.