Муниципаль район башлыгы вазыйфаларын вакытлыча башкаручы Рөстәм Гильманов һөнәри бәйрәмнәре уңаеннан районыбыз автотранспортчыларына котлау юллады

Анда: "Районыбызның социаль икътисадый үсеше өчен сез үзегездән бик күп өлеш кертәсез. Меңәрләгән тонна йөк ташып райондашларыбызны азык-төлек товарлары, төзелеш материалары белән тәэмин итәсез. Быелгы урып-җыюда нәтиҗәле хезмәтегез күләмле булды. Икмәк кабул итү предприятиясенә 15 мең тоннадан артык ашлык ташылуы да, шуның ачык мисалы. Пассажирлар ташуда эшләүчеләрнең хезмәте үтә дә җаваплы һәм кыйммәтле. Руль артында хезмәт куйган һәркемне һөнәри бәйрәм-автотранспорт хезмәткәрләре көне белән котлыйм. Гаиләләрегезгә бәхет-куанычлар, үзегезгә саулык-сәламәтлек һәм иминлек телим",- дигән юллар бар.

Фото Искәндәр Каюмов.