Мәгариф өлгеләре

Хәбәрчебез бу фотоны аларның үзара киңәшләшүе вакытында төшереп алды. Әлеге рәсемдә сез Юлсубино мәктәбе татар теле һәм әдәбияты укытучысы Илзирә Кәримуллина, Балык бистәсе 2 нче мәктәбенең биология укытучысы Наталия Талакова һәм гимназиянең рус теле һәм әдәбияты укытучысы Лариса Крюкованы күрәсез. Бу мөгаллимәләрнең һәркайсы хакында, эш-тәҗрибәсе турында район мәгариф хезмәткәрләре яхшы хәбәрдарлар. Әйтик, Илзирәнең укучысы, үз кызы Айзирә-узган ел татар теле буенча республика олимпиадасы җиңүчесе. Ә Наталия исә, 2004 елда "Ел укытучысы" исеменә лаек булган һәм 2011 елда "Безнең иң яхшы укытучы" дигән номинациядә республика грантын откан педагог. Лариса Крюкова быел "Ел укытучысы" исеменә лаек булды.