Кар һәм яңгыр явуы көтелә

автор, 13 декабрь 2015 - 07:00

882

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген - 13 декабрьдә, аязучан болытлы һава торышы хакимлек итәчәк.

Республика районнарында урыны белән юеш кар һәм яңгыр явуы көтелә. Көньяк-көнбатыштан уртача тизлектә җил исә. Төнлә юлларда бозлавык хасил булу ихтималы зур.

Татарстанда уртача һава температурасы төнлә - 0-5 градус салкын, көндез исә 3 градус салкыннан 2 градуска кадәр җылы булачак.

Казанда төнге сәгатьләрдә - 1-3 градус салкын, көндез исә 1 градус салкыннан 1 градуска кадәр җылы булыр, дип фаразланыла.

http://intertat.ru/tt/yanalyklar/item/51955

Фото: http://grodno.greenbelarus.info/files/f11125.jpg

Следите за самым важным и интересным в Telegram-каналеТатмедиа