9 декабрь–Халыкара коррупциягә каршы көрәш көне

Коррупция бүгенге җәмгыятебездәге иң кискен проблемаларның берсе. Ул тормышыбызның бик күп өлкәләренә үтеп кергән "чир". Юкка гына Россия Президенты Д.Медведев коррупциягә каршы көрәшне беренчел бурыч итеп куймады инде. Президент каршында коррупциягә каршы тору советы оештырылды һәм бу юнәлештә милли план кабул ителде. Коррупциягә каршы көрәштә бөтен җәмгыятьнең берләшүе таләп ителә. Иң элек һәр кешенең үзаңын үзгәртергә кирәк. Әгәр проблемаларыбызны түрәләргә ришвәт биреп хәл итүдән туктамасак, бу яман чирнең тамырына балта чабып булмаячак.