Балыкбистәлеләр Раштуаны бәйрәм итә 

Бу көнне иң тәмле сыйларны әзерлиләр, бер табын артына җыелалар, кунаклар килә, котлаулар яңгырый, бүләкләр тапшырыла. Раштуага кадәр бер ай дәвамында христианнар ураза тота. Ит, сөт, йомырка ашау тыела, бары тик үсемлек ризыклары, җиләк-җимеш белән тукланалар. Су, чәйне теләгәнчә эчәргә мөмкин. 6 гыйнвар төнендә ураза тәмамлана. Бу көн Раштуаны каршылауга әзерләнү белән үтә. Мунча ягыла, өй җыештырыла, матур, чиста киемнәр киелә. 
Раштуаның үз йолалары һәм үзенчәлекләре бар. Болар хакында тулырак белим дисәң, бүген кичке 18.00 сәгатьтә район үзәк Чыршысы янында керәшен халык фольклор ансамбльләренең чыгышы көтелә. Бәйрәмгә рәхим итегез, хөрмәтле райондашлар!