Балык Бистәсенең Яңавыл авылында балалар "Йомырка бәйрәмендә" булсалар, зиратта чистарту эшләре алып барганнар

Май - язның аеруча да кайнап торган чагыдыр.Урамда иртәдән кичкә кадәр балаларның шат тавышы ишетелеп тора.Һәркем ыгы-зыгы килә.Тирә-юньдә эш кайный.

Балык Бистәсе Яңавыл авылындагы май ае, күркәм гореф-гадәтләренең берсе - "Йомырка бәйрәме " белән башланып китә. Балалар иртән торып, өй саен кереп, матур теләкләр әйтеп, кызартылган йомырка һәм тәм-томнар җыялар.Ә өлкәннәр бу көнне зиратка өмәгә җыела. "Исәннәрнең кадерен бел, улгәннәрнең каберен бел!"дигән гыйбарәгә тугры калып,быел да зиратта өмә гөрләде.Вакыты тыгыз булуга карамастан, һәркемгә урнәк күрсәтеп, изге эштә ярдәм итәргә инвестробыз Альберт Шамил улы Фахретдинов та килгән иде. Яңавыл зиратында аның туганнары, әнисе Фагыйлә апа җирләнгәнлектән, гел аларның рухларына дога кылдырып, каберлекләрен карап, чистартып тора ул.

Билгеле, авыл халкы бу көнне генә түгел,зиратны ел буе онытмый.Өмәгә килгән һәркем ,җәй аенда каберлекләрне уләннәрдән арындыру өчен җыелырга сүз куешып,изгелек кылганнарына балаларча сөенеп,таралыштылар.

Динара Хисаметдинова.