«Салым түләү вакыты да ахырына якынлаша. Аны район салым инспекциясенә бармыйча гына башкарып була дип ишеткән идек. Шул хакта аңлатма бирсәгез иде».
Р.Хәсәнова.
Әлеге сорауга без район салым инспекциясеннән түбәндәге җавапны алдык.
-Физик затларга җирле салымнарны түләү срогы-1 ноябрь дә җитеп килә. Салым инспекциясе түләүләрне соңгы көнгә калдырмыйча алданрак башкарырга киңәш бирә. Салымнарны банкларның түләү терминаллары һәм "Электрон Татарстан" Инфоматлары аша барлык банк бүлекләрендә түләргә мөмкин. Салым түләгәндә комиссия алынмый. "Физик затлар өчен шәхси кабинет" хуҗалары салымнарны йортларыннан да чыкмыйча "Интернет-сервис" аша түли алалар.
