Авыл офыклары
  • Рус Тат
  • Ринат Зәйнуллин: идеал гаиләдә җиде кеше булырга тиеш дигән гыйбарә яши...

    Балык Бистәсенең бик матур,гүзәл табигатьле авылы -Зәңгәр-Күлдә Зәйнуллиннар нәселе гомер кичерә. Бүгенге язмам минем үземнең гаиләмә багышлана.Мин бу гаиләнең иң кечкенә,төпчек әгъзасы булам.

    Гаиләбез бик ярдәмчел, тырыш, тату;шаян-наян кешеләрдән тора. Гаилә башлыгы, минем дәү әтием-Фоат Зәйнуллин, дәү әнием-Фатыйма Зәйнуллина белән инде илле ел бергә гомер кичереп, бүгенге көнгә дә безгә булышып, үгет-нәсыйхәтләрен, киңәшләрен биреп яшәп яталар.
    Киләсе гаилә әгъзалары турында бер китап язып булыр иде-бу минем өчен бик кадерле, якын, күз нурларым, әтием-әнием-Айрат, Тәгъзимә. Әтием - эшмәкәр, әнием-гаиләбезнең җылылыгын саклаучы, тәмле ризыклары белән безне һәрчак каршылаучы, элеккеге хисапчы.
    Олы апаем-Гөлназ Казанда банкта эшли, кечкенә апаем-Гөлинә институтта белем ала. Апайларга мин бай, Аллага шөкер, күчтәнәчләрне ике такырга күбрәк күрәм. Уйламагыз, апайларымның файдасы моның белән генә бетми.
    Мин дә тик утырмыйм, эшләр эшлим, әти-әниемә булышам, гаиләбез тормышына кагылган вакыйгаларда актив катнашам, укуымны кайгыртам. Менә шундый минем гаиләм.
    Ринат Зәйнуллин
    5 нче сыйныф укучысы.
    Фото yandex.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: