Балык бистәсе районында Урахча авылында яшәүче сугыш ветеранын Николай Крошечкинны 90 яшьлек юбилее белән котладылар [ФОТО]

Бу көннеУрахча авылында яшәүче сугыш ветераны Николай Крошечкинны тәбрикләргә муниципаль район башкарма комитеты җитәкчесе урынбасары Рашат Хәбибуллин белән район халыкны социаль яклау бүлеге башлыгы Айгөл Вафина килгән иделәр. 90 яшьлек юбилее белән котладылар, Рәсәй Президенты Владимир Путин белән район башлыгы Илхам Валеевның котлауын һәм бүләкләр тапшырдылар. Бу көнне ветеранны шулай ук Урахча авыл җирлеге белән мәктәп коллективы да җылы тәбрикләделәр. Ветеранга өй эшләрендә булышучы Нәзимә Сафина чирек гасыр вакыт эчендә аның якын туганына әверелгән. Хәер, ветеран әле үзе дә бирешә торганнардан түгел. 1944 елда каты яраланганнан соң районыбызга кайтып ул бер-бер артлы сигез операция кичергән. Ярты гасырдан артык вакыт хуҗалыкта умартачы хезмәтен башкарган. Яшьлек мавыгуын әле бүген дә ташлый алмый ул. Үзенең ярдәмче хуҗалыгында кош-кортлар, каз-үрдәкләр асрый. Тик менә 54 ел иңгә-иң куеп гомер кичергән тормыш иптәше Клавдия Андреевнаның гына гомере кыска булган. 12 ел элек ул аны соңгы юлга озаткан. Социаль хезмәткәр Назимә Сафина аның гаилә әгзасы төсле, якын туганына әйләнгән. Чөнки ветеранның балалары булмаган. 1992 елда район халыкны социаль яклау бүлеге башлыгы вазыйфаларын башкаручы Флера апа Сафина дип ветеранны тәрбияләүгә билгеләгән булган. Ветеранның аңа булган ихтирамы, хөрмәтенә Назимә дә шундый ук җавап бирә алган.

Сугыш ветераны олы яшьтә булса да хуҗалык эшләрен үзе башкара. Бакчасында бәрәңге, яшелчәләр үстерә. Абзарында тавык-чебешләр тота.

Идрис Аметов.

Автор фотолары.

Реклама