Владимир Шефер: " Кеше күңелендә шатлык хисләре тудыра алганбыз икән, димәк тырышлыгыбыз юкка булмаган"

  Владимир  һәм Әнисә лаеклы ялга чыккач, Хабаровск өлкәсеннән  Балык Бистәсенә яшәргә күченеп кайтканнар.

–  Озак еллар  шәһәрдә яшәп, аның шау-шуыннан арылган иде инде. Шуңа күрә күптәнге хыялыбызны тормышка ашыру нияте белән без матур табигате белән дан тоткан Балык Бистәсенә кайтып урнашырга уйладык, - дип сүзен башлады  Владимир  Шефер.

–Кайтканыгызга үкенмисезме?

– Юк, пенсионер халкын өйдә утыру ялыктыра ич. Ә безгә нәрсә белән булса да шөгыльләнергә кирәк.Чөнки хәрәкәттә бәрәкәт, ди халык. Фантазияне эшкә җигеп йорт тирәсен төрле гүзәллеккә төреп, шул эшләгән эшенең нәтиҗәсен күргәч күңел шатлана. Әлеге хозурлыкка күрше-тирә, узып баручылар да соклана. Бу матурлыкны тудырган өчен рәхмәт сүзләре әйтүчеләр дә бар. Әгәр без кеше күңелендә шатлык хисләре тудыра алганбыз икән, димәк тырышлыгыбыз юкка булмаган, – ди Әнисә.

 Гөлчәчәк Газизова.

фото Алина Губаева.