Өлкәннәргә аралашу үзәге ачылды

- Бүген, шул исәптән өлкән буын кешеләрнең дә үтенечләре буенча, без Балык Бистәсендә аралашу үзәген ачабыз, ул көмеш буын кешеләренең җәлеп итү урыны булсын, анда үз-үзеңне тормышка ашыру һәм өйрәнү өчен өстәмә мөмкинлекләр ачыла. Үзәк кунаклары яңа дуслар, яңа кызыксынулар һәм күнекмәләр таба алырлар, иң мөһиме, игътибар һәм кайгыртучанлык тоя алырлар дип өметләнәм, - диде Балык Бистәсе муниципаль районы башлыгы Радик Ислямов.
Татарстан Республикасы Социаль фондының Балык Бистәсе районындагы клиентлар хезмәте җитәкчесе Минзия Вәлиева, район ветераннар Советы рәисе Рафаэль Шәвәлиев, «Сәламәт бул» клубы җитәкчесе Нина Мусина, Россия Пенсионерлар берлегенең җирле бүлекчәсе рәисе Рәкыя Җамалетдинова, «Калинушка» хоры җитәкчесе Анатолий Автономов үз оешмаларының эшчәнлеге белән таныштырдылар. Алар барысы бергә  зур эш алып баралар.  
Өлкән буын вәкилләренең район башлыгы белән бик җылы әңгәмәсе вакытында, алар үз сорауларына җаваплар алдылар, район үсешенең уңай динамикасы, һәрьяклап ярдәм итүе өчен рәхмәт белдерделәр. 
Радик Рәмис улы хатын-кызларны бәйрәм белән котлады һәм чәчәкләр тапшырды. 
Хәзер үзәктә атна саен мәдәни һәм мәгариф чаралары узачак. Өлкән буынның финанс грамоталылыгын арттыруга, шулай ук цифрлы технологияләрне үзләштерүдә ярдәм итүгә аерым игътибар биреләчәк. 
Рафаэль Шәвәлиев: "Без – бер команда, барлык чараларда, шул исәптән махсус хәрби операциядә катнашучыларга үзебезнең ярдәмне күрсәтүдә катнашабыз. Йорт яны территорияләрен кардан чистартуда ярдәм кирәк булган ялгыз кешеләрне ачыкладык.  Авыл җирлекләре башлыклары, мәктәпләр булышып игелекле эш эшләделәр, зур рәхмәт».